Why & How I Get Shit Done

Hello Almonds!!

Shpresoj që t’gjithë jeni mirë (deri n’kry :D) hehe. Janë bo 3 muaj prej se kam shkru për herë të fundit po përvec që në këto 3 muaj të fundit kanë ndodhë 38378 zhvillime në jetën time, me ju tregu të drejtën thjesht s’kom mujtë me gjetë motivin për me fillu këtë blogpost dhe prej qysh e kom shkru në bllok/agjendë fjalinë ‘me shkru blogpostin e ri’ (në Gusht), e kom shty dhe e kom shty deri tash; e kom shkru në faqe të re, e kom fshi and so on and so forth. E tash, ma shumë po e shkruj këtë blogpost për me e fshi prej bllokut e mos me pa mo tu m’gjyku vetë blloku se sa që jom e motivume për me bo një gjë të tillë.

EH pikërisht për këtë gjë edhe kom me folë sot në këtë blogpost: për Bllokun, Bullet Journal, BuJo, agjendë, notebook, fletore, ditar, bllok shënimesh, notes (wtf), sido që e quani por që mu ma ka ndreq jetën prej 2009, më ka bo më produktive, ma ndreq shpesh edhe disponimin e më qetëson DHE më ka sjell këtu ku jam – një 27 (lord) vjecare mesatare që ka kry shkollë, ju rrin gati sendeve, është mjaft aktive dhe ndjehet mirë me veten. Pra me pak fjalë, ndoshta po e ekzagjëroj pak, por po të mos ekzistonte BuJo, unë nuk do të kisha qenë këtu ku jam.

Welcome to my Ted talk.

E cka është BuJo to begin with?

Në vitin 2017 kur e fillova BlondAlmond, e pata shkru një blogpost për Bujo të cilin nëse nuk e keni lexu mundeni me gjetë këtu. Po nejse tash mos e lexoni se ndoshta vec kom me u përsëritë sepse ndjenjat e mija ndaj BuJo nuk kanë ndryshuar (vetëm janë bërë më të forta), dhe obvi cka kom mendu atëherë mendoj edhe sot, kështu që shumica e gjërave që i kom shkru atëherë ende vlejnë. Sidoqoftë, shkurtimisht, sipas literaturës, Bullet Journal quajmë një metodë personale organizimi zhvilluar nga dizajneri Ryder Barroll, sistem ky i cili organizon oraret/iteneraret, kujtesat (reminders), listat (to-do lists), stuhitë e mendimeve (brainstorming LORD i love google translate) dhe detyrat/punët/planet e tjera në një bllok/fletore të vetme (Wikipedia). Me pak fjalë, BuJo është një bllok i thjeshtë hibrid i agjendës, to-do lists, ditarit e gjithcka tjetër, dhe edhepse ekzistojnë forma e struktura të ndryshme se si njerëzit e praktikojnë BulletJournaling, secili person mund ta krijojë formën që i përshtatet më së shumti. Për mua një BuJo është BuJo nëse e përdorni rregullisht dhe nëse ju ndihmon me kry punë, shkurt e shqip. Sepse të them të drejtën, unë e kam përdor BuJon edhe pa ditë që ekziston një koncept i tillë (duh). [BuJo ime nuk duket bukur as nuk ka ndonjë dizajn të vecantë sepse nuk kom nerva as kohë e as talent për një gjë të tillë, dhe nëse kishte me qenë shumë e bukur, for some reason e di që nuk kisha shkru rregullisht në të:D].

BuJo mbetet të jetë një pjesë e të përditshmes sime e cila më bon shumë ma produktive, ma ul nivelin e procrastination, më bën me u ndi mirë DHE si rezultat më bën me qenë/me u ndi më e suksesshme. E qysh mundet një bllok, fletore, agjendë me bo këtë, e lexoni në vazhdim.

[Disa prej BuJove të mija gjatë viteve]

Së pari, shumë thjesht, ju ndihmon me e organizu ditën. Dhe shumë thjesht, kur e keni ditën të organizuar, natyrisht që është shumë ma e lehtë me i arritë qëllimet tuaja dhe me u bo më produktiv. Por edhe pse po tingëllon shumë e thjeshtë, n’realitet kemi tendencë që në momentin që zgjohemi e që nuk e kemi të qartë se cfarë obligime i kemi për atë ditë, me e cu ditën dëm e me i shty obligimet për NESËR apo për një ditë të pacaktuar. E BuJo është pikërisht mjeti që e shmang këtë shtyerjen e obligimeve, duke qenë se fakti që janë të shkruara në letër e bën që këto obligime të na duken më reale. Kur i shkruani në bllok, dhe në një listë detyrash i relativizoni detyrat ndaj tjetrës, i japni një rëndësi/peshë (weight) secilës, e kuptoni se sa ka prioritet secila dhe kështu ditë pas dite  vendosni t’ja kushtoni kohën njëres prej tyre. Edhe pse është një gjë shumë e thjeshtë, mundet me tingëllu pak abstrakte, megjithatë unë ju rekomandoj me provu vetë një herë dhe keni me e pa se sa ka me pasë efekt në ju (hopefully).

Së dyti, produktiviteti (sado i vogël) gjithmonë pasohet nga më i madhi – është rreth virtuoz. Me siguri keni dëgju për një fjalim motivues ku personi që flet, tregon se si nëse dëshironi me ndryshu botën, filloni me rregullimin e shtratit cdo mëngjes. Edhe pse fjalimi mund të tingëllojë si klishe, ka shumë të vërteta në të, dhe për mendim timin sa më produktiv që je, aq më produktiv bëhesh dhe këtë cikël pozitiv mundeni me fillu me gjëra shumë të vogla, e BuJo është një mjet ideal për të bërë një gjë të tillë. Ne me siguri mendojmë që njerëzit e suksesshëm janë gjatë gjithë kohës duke e kall atmosferën; i paramendojmë ata që në cdo minut të ditës së tyre janë duke punuar në dicka shumë të rëndësishme, duke marr vendime tepër të mëdha dhe prej momentit që zgjohen në mëgjes e deri sa shkojnë për të fjetur (if at all), janë në takime me njerëz apo duke punu e duke nënshkru dokumenta e duke dërgu emaila e gjëra të tilla. Epo nuk është bash ashtu. Këta njerëz gjatë ditës apo javës i kanë disa momente kyce ku marrin vendime të rëndësishme apo kur kanë deadline dhe duhen me i jap zor, sidoqoftë, në shumicën tjetër të kohës ata janë duke bërë gjëra më të vogla POR që luajnë rol e ndikojnë në ato gjërat e mëdha – gjëra të vogla këto pa të cilat me siguri nuk do të kishin ndodhur as ato të mëdhajat. Mos me e zgjatë më shumë, ne duhet të bëjmë non-stop gjëra të vogla të cilat kanë me ndiku në suksese më të mëdha, dhe nuk duhet t’i anashkalojmë ato. Dhe në BuJo unë e bëj pikërisht këtë. I shkruaj shumicën e gjërave që kom me i bo gjatë ditës e që janë të realizueshme, e pastaj kur i realizoj, përpos që ndjehem më produktive, ato më motivojnë për me i jap zor edhe për gjërat më të mëdha e të vështira që i kam para vetës. Dhe ky cikël është gjithmonë pozitiv, dhe vazhdon…

Së treti, BuJo ju ndihmon me mbajtë në mend, obviously. Shkojmë me një thënie me siguri të njohur për ju (nga baballarët tuaj :D) që budalla mban n’mend e i mencmi shkrun. Unë në blogpostin e parë për BuJo vecse e pata përshkru që jam një real-life Dory i Nemos, dhe harroj tepër. I kom pytë disa shoqe psikologe se a ekziston ndonjë arsye e vecantë apo a kom ndonjë mungesë në tru ose a është me të lindme apo dhe ndoshta jom rrëzu prej qershisë kur kam qenë fëmijë, nuk e di, por me të gjitha analizat e shoqeve të mija profesioniste ka dalë që 1) është gjë normale, 2) nuk koncentrohna mirë kur dëgjoj apo shoh gjëra dhe 3) jam person që i mendoj disa gjëra përnjëherë dhe kështu nuk fokusohem mirë në asnjëren (too many tabs open). SIDOQOFTË, fatmirësisht jam vetë-kritike dhe këtë gjë e kam kuptu prej 12 vjec, andaj nuk jom lodhë për me rregullu këtë gjë te vetja po thjesht kam shku me rrugën ma të thjeshtë: just write EVERYTHING down & MAKE LISTS. E tash e sa vite, unë bëj lista. Kam probleme në jetë? Bone një listë. Ki me shku në dyqan? Listë obvi. Ki me festu ditëlindjen? Listë. Don me ble rroba të reja? Liiiiistë. Don me shku dikund në udhëtim? LI I S ST Ë. Ki borxhe? Listë. Të kanë borxh? LISTË (etj., etj.). E edhe pse mundet me tingëllu një gjë shumë e thjeshtë, shumë njerëz që i njoh e që kanë probleme me mbajtë në mend NUK e praktikojnë këtë gjë (s’di qysh jetojnë). E listat pos që tepër ju ndihmojnë me i vënë gjërat në perspektivë, ju ndihmojnë mos me harru, ju ndihmojnë në marrjen e vendimeve dhe thjesht ju kthjelltësojnë mendjen e ju qetësojnë (got too many feelings for lists, i know). Sepse me lista ju i shihni gjërat prej një perspektive tjetër, reale, të gjalla, në fletë e jo duke ju sillur në mendje e duke ju jap presion e duke ju shfaqur më të mëdhaja e të përziera se sa në të vërtetë janë. So people, make lists. E BuJo me pak fjalë është një tërësi listash, cdo ditë.

Së katërti, BuJo ju ndihmon të shihni progresin (dhe gjendjen statike apo edhe regresin). Duke qenë se në Bujo mund të shkruani planet afatgjata dhe afatshkurta, ckado – prej cka mendoni me bo nesër, planet/progresin e librave për lexim/të lexuar, lista për blerje e investime, planet për udhëtime (rip), aplikime, takime me njerëz e të ngjashme, kështu ju lëni gjurmë të gjërave që i keni përfundu apo që jeni duke i shty tash e sa kohë, dhe mundeni edhe me pa se ku qëndroni në raport me vetëvetën, me e pa progresin që e keni bo (e me u motivu) apo me pa që nuk jeni duke bo progres (e me punu më shumë në atë gjë). Shembull, janë disa gjëra që aq gjatë i kam shkru në BuJo e nuk i kam përfundu, sa që thjesht një ditë prej ditësh ose kam vendosë me i kry vetëm sa mos me i pa mo në bllok, ose kam kriju paqe me vetëvetën që KURRË s’kam me i bo dhe i kom fshi përfundimisht nga lista dhe nuk kam shiku më prapa. Cilendo zgjedhje që e kam bo, jam përball me ato gjëra dhe të pakten kam move on prej tyre, në një mënyrë apo tjetrën. E në rastin tim, zakonisht e zgjedhi opcionin me i përfundu këto obligime e me i hekë qafe, dhe shumë prej gjërave që i bëj në jetë e që janë të mundimshme, ma shumë i kam bo sepse i kam pasë të shkruara në BuJo dhe që më kanë bo presion sa herë i kom pa se sa që jam aq e motivume ose punëtore. Po meqë e kam kuptu që kjo gjë funksionon  tek unë dhe si pasojë jam bo më produktive, tash shkruaj edhe gjëra që e di që kam me pritu me i bo e i urrej por që s’kom qare pa i bo sepse i kam shkruar në librin e shenjtë – BuJo.

Së pesti, me BuJo i jepni një kuptim cdo diteje. Sic e ceka më lartë, shumica prej nesh e kemi atë përshtypjen që njerëzit e suksesshëm dhe produktivë e kanë cdo ditë të jetës të tillë – interesante e me shumë punë e angazhime. Me siguri ka edhe të tillë, sidoqoftë, besoj që shumica, ditë shumë vendimtare e me angazhime kanë më pak ndërsa ditëve të tjera merren me micro-tasks. Për këtë arsye, mund të kemi tendencë që ato ditë që s’kemi ngjarje apo punë të mëdhaja me bo (pëpos punës e angazhimeve rutinore), mos me ju jap shumë rëndësi e mos me i planifiku dhe në një mënyrë dëshirojmë me i hekë qafe deri sa na vjen përpara ndonjë ditë më interesante e me shumë angazhime. Epo kjo është një qasje jo e mirë ndaj jetës sepse sukseset dhe vetë jeta është një bashkësi e shumë momenteve dhe sukseseve të vogla, andaj cdo ditë ka rëndësi dhe duke qenë se e kemi vetëm një jetë, është e dhimbshme që me e humb kohën duke pritur gjithmonë për dicka ma të madhe. E BuJo, ju ndihmon që secilës ditë t’i japni një kuptim, një emër, dhe ta përkushtoni secilën ditë për dicka, sado e vogël që na duket neve. Shembull, një ditë do e kushtoj vetëm për pagesa të faturave (dhe gjëra të tjera të vogla), një tjetër do e lë vetëm për takime me disa njerëz me të cilët s’jam pa për shumë kohë, një ditë tjetër do ja kushtoj pastrimit më të detajuar të shtëpisë, një ditë do të merrem vetëm me aplikime për punë/studime (shembull) e të tjera. Dhe kështu, secila ditë do e ketë një kuptim, sado të vogël e të ‘parëndësishëm’ që e cilësojmë.

Së gjashti, it helps you create patterns. Duke qenë se unë jam person që kryesisht kam dëshirë me i planifiku gjërat e shpesh anoj edhe kah të qenurit ‘control freak’ (me konotacion pozitiv natyrisht heheeh), mua më jap kënaqësi me mbajtë evidencë të gjërave që i bëj duke qenë se më ndodhë me i përdor këto ‘evidenca’ për planifikim të së ardhmes. Shembull, unë e di saktësisht tash e 10 vite se kur i kam ngjyrosë flokët, sa herë në vit e në cfarë kohe të vitit, dhe në bazë të kësaj unë pak a shumë e di se cila është koha më e mirë për me e bo një gjë të tillë në të ardhmen etj. Ishte shembull shumë banal dhe faktikisht nuk është që këtë gjë e marr parasysh ndonjëherë, por vetëm për ilustrim deshta me tregu se BuJo për mu është edhe si një regjistër me të cilen mundem me mbajt statistika të thjeshta të gjërave në jetën time që përsëriten shpesh. E di saktësisht sa herë kam marr antibiotika apo vitamina e për sa kohë, sa herë kam bo analiza apo kam qenë sëmurë e shumë gjëra të tjera, dhe besoni apo jo, në shumë raste këto informata të sakta më kanë dalë në ndihmë për një gjë apo tjetren. Me siguri mundem me tingëllu pak GJYSË/psycho por kjo nuk është një gjë që unë e shtyj vetën me bo apo e bëj për ndonjë qëllim të caktuar, por duke qenë se në BuJo shkruaj shumicën e gjërave, thjesht këto informata mbesin aty si evidencë dhe në rast se më nevojiten për dicka, i kam. E poashtu, e dijmë që një prej vecorive të evidencës/të dhënave/statistikave është që gjërat që ndodhin shpesh, kanë të ngjarë të përsëriten, e si rrjedhojë mundemi edhe pak me i parashiku gjërat e ngjashme. 😀 #geekystuff

Së shtati, BuJo ju ndihmon me u bo person më i mirë. Natyrisht, jo vetë BuJo apo blloku i shënimeve, por procesi i të shkruarit dhe planifikimit e strukturimit të gjërave që i keni në mendje. Ne cdo ditë, kur zgjohemi në mëngjes, e fillojmë një ditë të re dhe kemi mundësi që me bo vepra të ndryshme që na afrojnë më shumë tek personi që dëshirojmë me u bo. Por duhemi me ditë që të gjitha gjërat janë të ndërlidhura me tjerat – disponimi është i lidhur me shëndetin fizik, shëndeti fizik lidhet me aktivitete fizike dhe mbajtje të higjienës personale e të ambientit ku jetojmë, e poashtu me ushqimin që e hamë, gjë e cila prapë lidhet me disponimin (shëndetin mendor); disponimi i mirë na ndihmon me kry punë e me qenë produktiv, por për me kry punë duhemi edhe fizikisht me u ndi mirë e që prapë ndikon në disponim e të tjera e të tjera. Pra cdo gjë që bëjmë, cdo vendim që e marrim prej momentit që zgjohemi në mëngjes, ka me pasë ndikim në rrjedhën e asaj dite po edhe tek ajo se kush dhe cka dëshirojmë me bo me jetën tonë. Për këtë arsye, unë i jap tepër rëndësi cdo gjëje që e bëj prej se e filloj ditën, sepse e di se sa ndikon ajo tek mirëqenia ime, tek disponimi im dhe tek sukseset e mija. E prapë, për këtë arsye, unë tentoj që gjënë e parë që e bëj gjatë ditës është me planifiku ditën, me i qitë mendimet nga koka në letër, me i pa gjërat që kam me i bo, dhe kështu dalëngadalë me fillu me i kry obligimet ditore që i kemi si njerëz, si organizma të gjallë që e shpenzojmë jetën dhe zëmë vend në këtë botë.

Së teti, BuJo është mjet qetësues. Nuk e di për ju, po për mu shpesh është e rëndësishme me i qitë në letër gjërat që i kam në mendje – jo vetëm obligimet e detyrat, por edhe gjërat që më shqetësojnë. Shpesh më ndodhë që më prishet disponimi por nuk e di se cka kam pa apo dëgju në atë moment por që më ka ndiku në disponim; thjesht më prishet dhe nuk e di se pse. Kështu, unë përvete tentoj me bo një listë të ‘gjërave që më shqetësojnë’, për me mujtë me kuptu se cka është ajo gjëja që më ka ndiku në disponim dhe tekefundit me pa se a ka ndonjë mënyrë që muj me e rregullu atë gjë, apo a është dicka e jashtme. Më ndodhë që pasi që i shkruaj me pa që 1) asnjëra prej shqetësimeve nuk është dicka me rëndësi të madhe, 2) nuk është dicka që unë kam ndikim në to apo 3) thjesht më duhet me pritë me kalu. Dhe shpesh kur kthehem tek këto lista, e shoh që shumica kanë qenë gjëra që ose i kam ekzagjëru, ose ju është gjetur zgjidhja, apo thjesht jam përball me to dhe i kam zgjidhur vetë, sepse në jetë, shumica e gjërave kanë zgjidhje por vetëm na duhet me kalu përmes tyre, apo edhe shpesh na duhet vec me kalu pak kohë.

Dhe së nënti, ju mbetet një kujtim tepër i mirë për cdo periudhe jetësore. Unë tash e 11 vite mbaj BuJo, po edhe ditar të jetës me pas’ mbajtë nuk kisha me i pasë të dokumentume ngjarjet e jetës si qysh i kam me BuJo. Dhe është shumë interesante që vetëm përmes listave e shkrimeve të shkurta që i boj në BuJo, e kam tepër të lehtë me e kujtu një ditë të caktume përmes tyre. Menjëherë më kujtohet një periudhë e caktuar, e shoh me cka kam qenë duke u ballafaqu në atë kohë, gjërat që i kam bo, obligimet që i kam pasë e të tjera e të tjera. Dhe për mu mbeten kujtime tepër të mira e personale duke qenë se me ditar të jetës nuk jam tregu shumë e suksesshme tash e sa kohë, e aq më pak me fotografi e selfie të pakuptimta që i bëj gati cdo ditë por që nuk kanë ndonjë vlerë të vecantë.

***

Me siguri që kam harru dicka pa shkru për BuJon dhe të mirat e tij (e në atë rast e shkruaj episodën e tretë për BuJo ose një libër heheh:D), sepse definitivisht është një prej gjërave që i kam më për zemër dhe që më bën person ma të mirë. I know, s’jom duke folë për personin e zemrës e as për prindërit e motrën apo vëllaun, por jam duke folë për një bllok, fletore, copë letrash, objekt; sidoqoftë është mjeti i cili më ndihmon me i marr krejt gjërat e shpërndara në mendje, me i renditë në fletë, me i strukturu, me ju japë një kuptim e rëndësi, e me i kthy në vepra. E në fund të fundit, në jetë janë veprat ato që kanë rëndësi; të gjitha planet, qëllimet, ëndrrat e mendimet që i bëjmë realitet e që i përfundojmë. Talk is cheap dhe ëndrrat janë ëndrra përderisa vec flet për to; planet janë plane deri sa bëhen qëllime, dhe qëllimet janë vepra vetëm atëherë kur i kryejmë. Unë në princip jam person pragmatik, dhe nuk e kam në qejf të flas për gjëra që nuk i kam bo apo që vec mendoj me i bo, sepse më duket që ju humb vlera dhe i bën ato edhe më abstrakte, sidoqoftë, në të kundërten kam dëshirë me i shkru, me i renditë në listë e në atë mënyrë vec e di që jam më afër realizimit të atyre ëndrrave e qëllimeve. Nuk po du me e kthy këtë blogpost në blog motivimi apo inspirimi sepse të tilla kam shkru mjaft e besoj që kam me vazhdu me shkru, por po du me e lonë këtë blogpost sa ma praktik e me ju bind që kjo qasje ndaj gjërave është një qasje shumë pragmatike, e lehtë dhe ju garantoj suksesin nëse vec i përmbaheni. Pra vec keni me e marr një bllok shënimesh, një laps/kimik e me fillu me shkru. That’s it.

Ju uroj shuuumë suksese në ckado që jeni duke kalu në jetë, dhe bash tash që na është shpërnda mendja dhe na janë anulu shumica e planeve e në përgjithësi nuk është se po ndodhë dicka shumë e madhe në jetën tonë, blloku mua më ka ndihmu me u marr me gjëra të vogla, me keep myself busy, me i nxirr vetës punë dhe me kuptu që duhet me vazhdu jetën dhe me bo atë cka e kemi përpara, e jo me u fokusu në gjërat që nuk mundemi me i bo momentalisht apo që kemi pasë me i bo. One day at a time.

Ugh, dhe besoj që tash vec e morrët vesh se qysh jom bind më në fund me shkru këtë blogpost… 😀 D: D

Stay healthy & Take care,

XoXo,

The BuJo Girl ❤

P.S. Nëse doni me pa/lexu më shumë për BuJo, se si mundeni me fillu një të tillë, se si duket një BuJo e të tjera, vec kërkoni ‘Bullet Journal’ në Google apo #BuJo /#Bulletjournal në Instagram, dhe keni pafund foto e shembuj të tyre. Unë përvete nuk kam ndonjë formë të caktume të BuJos po thjesht cdo ditë e filloj një To-Do-List të re dhe i shkruaj gjërat që mendoj me i bo atë ditë dhe i përshkruaj gjërat e ditëve të kaluara që nuk i kam përfundu. Në fund të bllokut kam kriju edhe disa lista të tjera. Dy BuJot e fundit i kam ble në Talens në Prishtinë. ❤